Американските разузнавачки агенции ја предупредија администрацијата на Бајден дека доколку Соединетите држави го повлечат своето преостанато воено присуство од Авганистан под сегашни околности, нацијата ќе биде изложена на сериозен ризик да падне под контрола на луѓето што живеат таму.

Една статија од Њујорк Тајмс под наслов „Официјалните лица се обидуваат да го поколебаат Бајден користејќи разузнавачки информации за потенцијалот за преземање на талибанците во Авганистан“ предупредува дека разузнавачката проценка предвидува доколку „американските трупи заминат пред каков било договор меѓу талибанците и авганистанската влада, милитантната група ќе заземе голем дел од земјата“.

„Пресметката на разузнавачките служби предвидува дека Талибанците релативно брзо ќе ја прошират својата контрола над Авганистан, што сугерира дека марионетските авганистански безбедносни сили остануваат килави и покрај долгогодишната обука на американската војска и милијарди долари од американското финансирање“, известува NYT.

„Администрацијата на Бајден прави последен напор пред 1 мај да покаже напредок во спорите преговори меѓу талибанците и авганистанската влада во Доха, Катар“, известува NYT. „Но Талибанците, според американските власти, ги заглавуваат преговорите“.

И, мислам, зошто и не би? Како што диреторот на еден тинк-танк, Бен Фридман вели, “Ако оваа проценка е точна, и талибанците може да го земат целиот Авганистан по заминувањето на американските сили, а тие тоа го сакаат, зошто тогаш да потпишат договор со кои се ограничуваат на помалку? Или зошто да не потпишете за да ги извлечете САД и да го раскинете договорот потоа? Задржувањето на американските сили таму е само тактика на одложување“.

Ако најмоќната фракција во Авганистан сака власт и има можност едноставно да ја преземе, тие немаат што да добијат со потпишување договор за поделба на власта со фракција која не е во состојба да ја држи власта. Њујорк Тајмс и американскиот разузнавачки картел (ако некој може дури и да ги категоризира овие како посебни субјекти во овој момент) се обидуваат да го објаснат тековното воено присуство во Авганистан како привремена состојба во очекување на услови кои ќе пристигнат наскоро, и тоа е едноставно неточно. Талибанците нема доброволно да изберат да се направат помалку моќни.

И, откако Авганистан документи го обелоденија фактот дека американската воена машина лажи и лево и десно само за да го оправда продолжувањето на окупацијата на Авганистан, ќе мора да бидете надвор од умот за да верувате дека ова не е намерно одолговлекување за подолго останување на дел од веќе воено поразената САД во забарикадиран дел на Кабул. Американската војска е во Авганистан не за да ги заштити правата на жените од страна на нелибералните талибански сили, туку затоа што тоа е клучен геостратешки регион  што САД сакаат да се чипчат што подолго за влијание на светска сцена. Ова е причината зошто „Авганистанските документи“ беа забрзано ставени во дупката на меморијата од страна на масовните медиуми веднаш откако излегоа, и зошто сега сè што слушаме е повеќе измислени причини зошто напуштањето би било погубно.

Кога американскиот централизиран сојуз за моќ зборува за „услови“ што треба да се исполнат пред да има целосно воено повлекување од Авганистан, условите на кои тие навистина се повикуваат се воспоставување на марионетски режим во Техеран, Москва и Пекинг. Сè додека Иран, Русија и Кина успешно се спротивставуваат на апсорпцијата во блокот на империјата на државите вазали и клиенти на САД, военото присуство ќе остане и ќе се прават наративи за да се оправда тоа.

Талибанците се целосно локална сила со локални цели; не постои аргумент базиран на одбрана на интересите на САД со употреба на воена сила за да се држат некои сили надвор од власта во нација на другата страна на планетата. Аргументите дека тие мора да се држат настрана со употреба на воена сила за да се заштитат авганистанските жени од нивната регресивна идеологија се бесмислени, освен ако исто така не речете дека американската војска мора да се искористи за насилно да се стави крај на сите нелиберални културни норми насекаде во светот, што исто така би било апсурдно.

Се што империјата на САД и нејзините менаџери за наратива навистина кажуваат кога тврдат дека талибанците ќе ја преземат власта е дека тогаш САД повеќе нема да го контролираат Авганистан. Секако дека нема. Луѓето што живеат таму ќе ја одредуваат судбината на сопствената нација, со насилство, ако сакаат така. Да се ​​даде на нацијата својот суверенитет нужно значи да им се дозволи да ја контролираат сопствената судбина, по дефиниција. Користејќи го тој очигледен факт за да се аргументирате против прекинот на употреба на воената сила на САД е само признавање дека не верувате дека другите нации треба да бидат суверени.

Да се ​​каже дека може да има насилство и угнетување без угнетувачка сила на насилни окупатори е глупо на неколку различни начини. Познат е фактот дека австралиските сили што го окупираат Авганистан веќе извршија ужасни воени злосторства таму и ако американската влада престане да го попречува Меѓународниот кривичен суд да ги испитува потенцијалните воени злосторства на американските сили, сигурно ќе најдеше и таму многу воено-криминални дела.

Во овој момент САД го користат аргументот: „Ако не продолжиме да ги убиваме Авганистанците, тие ќе се убиваат едни со други“. Талибанците предупредија дека ако Соединетите држави останат во Авганистан по истекот на рокот од 1-ви мај утврден во претходниот мировен договор, тие ќе продолжат да ги напаѓаат окупаторските сили, па затоа преправањето дека американската империја го одржува мирот со продолжување на окупацијата е целосно неосновано. Тие не се таму за да одржат мир, тие се тука за да одржат контрола, колку што е можно подолго.

Дали американската војска треба трајно да окупира странски земји за да контролира што се случува таму или не? Тоа е навистина прашањето што е на масата во моментов. Игнорирајте го целото наративно изобличување и фокусирајте се таму, заклучува Кеитлин Џонстон.