Митингот против блокирање започна како мирен марш во саботата попладне, следени од стотици полицајци, и заврши со насилства, откако полицајците почнаа да ги апсат луѓето, додека демонстрантите активно се спротивставуваа, а некои дури и ги гаѓаа со шишиња.

Полицијата активно се „ангажирала“  против оние кои ги „кршат КОВИД регулативите“, вршејќи најмалку 33 апсења до 19 часот вечерта, потврди полицијата на Твитер.

Спорадични расправии, наводно, се влечеле до ноќта, бидејќи помалите групи одбиле да се распрснат и да си одат дома.

Пирс Корбин, 73-годишниот брат на поранешниот лидер на лабуристите Џереми Корбин и гласен критичар за заклучување и вакцини, одржа жесток говор во Хајд Парк пред полицијата да го растури собирот и демонстрантите да продолжат да маршираат низ улиците на Лондон.

Во спротивност на забраната за масовни собири, мандати за маскирање и други ограничувања, демонстрантите – вклучително и семејства со деца – извикуваа пароли како „Слобода!“ и  „Ние не се согласуваме!“,  и носејќи транспаренти на кои пишуваше „Престанете да ги уништувате животите на нашите деца“!

Додека властите допрва треба да дадат проценка на бројот на учесници, извештаите на локалните медиуми и видеата од местото на настанот сугерираат дека илјадници луѓе марширале низ Лондон, па дури и полицијата признала дека излегле „повеќе луѓе отколку што се очекуваше“ .