Сашо Панговски од Движење Бојкотирам ја вивисецира претстоечката скроена во најголема тајност, математичко-прецизна и како што веќе станува традиција последниве години, убедливо-губитничка изборна кампања на ДПНЕ, под изборниот слоган: Гласај за Нас Скопените ДПНЕ Инаку Сите Ќумриме од Вирусо, која е изработена и сублиминално веќе промовирана од врвни ретро ПР фирми и поединци од 80-тите. Инаку кампањата е природно продолжение на исто така математичко губитничкиот слоган од претходните Локални 2017 и ПИ 2018 (кои дојдоа веднаш по 27-мо априлското туркање гаќи и предавање на Македонија на душманите на тацна и без борба и покрај победени избори и свој Претседател, еееееј!) кој тогаш гласеше, Гласајте за Нас, Помало Лајно Сме од СДС! Инаку секоја сличност во текстот меѓу стилот на пишувањето за коронавирусот и стилот на обичниот грип е, хм, хм, случајна:

Јас сум против Короната и нејзиното дејство.
Може некому нема да му се свиди моето мислење, но јас не сум во бизнисот на свиѓање.

Кој реално може да го победи Ковид-19?
Ете некои мајмуни шо крадат народни зборови, #ДвижењеБојкотирам. Можат ли да ја победат Короната? Не. Па и сите 10 да умрат од Корона, не можат. Кај им се делата? Само хаштази, ни еден заразен, ни еден мртов. Бруки.
Па тие #Родина, собраа ли 1000 инфицирани? Не. 1000 инфицирани не можат да соберат, Корона ќе победуеле.
#Интегра? Па какви протестанти се тие бе?
Колку протести против Корона напраиле? Нула.
Ништо и од нив.
#Солза и #Глас. Короната е опасна, не треба ни у очи да чепкаш ни у уста. А солзите идат од очи, гласот од грло.
Не, и они не можат.
#Бачев, е он нешто може да победи малку, у Демир Капија може да ја победи Короната, ама толку. И он да фати Корона и да цркне – џабе, толку е капацитетот. И секад сум го објавувал ја, цела програма кај мене му идеше, сите 7 реда, ама џабе, не може он против Короната.