Мачката избега од торбата

Демократите и нивните приврзаници претходно ги оцрнија сите што шпекулираат за тајно договорени напори против поранешниот претседател Трамп во предизборието и по минатогодишните избори како „теоретичари на заговор“, а таквите лица дури и ризикуваа да бидат деплаформирани од социјалните медиуми заради остварување на уставно зацртаната слобода на говорот во зависност од тоа како ги артикулирале своите лични ставови во овој поглед. Им беше кажано дека јавно изразување на таквото толкување на настаните е еднакво на ширење „дезинформации“ и обид за „делегитимирање“ на „демократскиот“ исход на изборниот процес на САД. Тоа го прави уште позачудувачки Тајмс написот од минатата недела во кој буквално призна дека: самоопишаниот „заговор“ воден од „добро поврзана кабала на моќни луѓе“ „ги натера сојузните држави да ги менуваат системите за гласање и законите“ и „успешно вршат притисок врз компаниите за социјални медиуми“ меѓу другите достигнувања насочени кон соборување на Трамп. Со други зборови, „теоријата на заговор“ стана „факт на заговор“.

Политички непогодни прашања

Ова природно го наметнува прашањето зошто тој продемократски медиум толку гордо би се пофалил со „Тајната историја на кампањата во сенка што ги спаси изборите во 2020 година“, како што е насловено неговото дело. Тајмс не може да биде „дискредитиран“ од демократите, во спротивно тие би нанеле иста таква штета на десетици лица именувани во нивниот извештај кои доброволно соработувале со новинарката Моли Бол за да покажат, како што рече еден од нив, дека „системот не работеше магично “и дека„ демократијата не се извршува самостојно“. Без разлика дали имале намера или не, тие ја потврдија оваа досега таканаречена „теорија на заговор“ како „факт на заговор“, со што го оправдаа секој приврзаник на Трамп кој порано изразуваше такви чувства. Не само тоа, но, исто така, премолчено признаа дека оние кои беа разочарани беа жртви на истиот самоопишан „заговор“ управуван од „добро поврзана кабала на моќни луѓе“ – Дип Стејт. Навидум е необјасниво зошто би го сториле ова, но длабоко размислување за намерната одлука за откривање на сето ова дава неколку веродостојни објаснувања.

Перчење со наративната моќ на демократите по изборите

Првиот е дека, бидејќи „Секој демократ е диктатор“, партијата сакаше да ја искористи својата новооткриена пост-изборна наративна моќ за да ги понижи своите противници. Пораката што е испратена е доволно едноставна и таа е дека тие се во состојба не само да се извлечат со буквални „заговори“ како што е овој, туку се доволно моќни да ги вспрегнат институциите под нивна контрола (Биг Тех, влада, масовни медиуми, итн.) со цел политички да се потиснат оние што се осмелуваат да им застанат на пат во тоа. Како што се предвидуваше во анализата на авторот кон крајот на минатата година за тоа како „Америка на Бајден би била дистописка дупка“, Демократите сакаат брзо да наметнат де факто еднопартиска диктатура на остатокот од земјата во соработка со нивните сојузници „Само по името републиканци (РИНО)”. Тие се доволно пијани на од тоа што успешно го извлекоа овој државен удар што Небојша Малиќ од РТ со право го опиша како „Обоена револуција“ и со тоа го отворија патот кон она што авторот го нарече „ Хибридна војна против домашниот тероризам во Америка“, затоа што се возбудени што ќе се движат со полна брзина напред и без никакво двоумење кон оваа цел.

Максимални мотиви за деморализација

Движењето „Направи Америка повторно голема“ инспирирано од Трамп е заглавена во политичка војна со РИНО додека истовремено се бори да се исчисти од субверзивните елементи на QAnon. Ова го прави послабо отколку било кога од моментот од неговото основање и со тоа не може соодветно да организира некаков значаен политички отпор кон оваа шема. Никогаш немало подобар момент за демократите да почнат со справувањето во она што се надеваат дека ќе биде смртниот удар врз моралот на нивните најважни противници, особено затоа што нивното откритие беше обелоденето во времето кога Трамп, заробен од мочуриштето, реши да сојузува со републиканците во најверојатно лошата надеж дека партијата може да ја врати контролата врз Конгресот за време на среднорочните избори во 2022 година. Интензивната фрустрација што некои од противниците на Демократите разбирливо можат да ја почувствуваат за сите овие огромни случувања, може дури и да ги поттикне некои од најнестабилните и најризичните, како што се приврзаниците на QAnon, да реагираат насилно, што тогаш може да биде експлоатирани за оправдување на следната фаза на овој „заговор“ и поголема диктатура и опресија.

Диктатура преку „демократски“ процеси

На крајот на краиштата, има малку сомневање кај противниците на Демократите дека партијата сега оди на сè или ништо во обидот да наметне де факто еднопартиска диктатура врз остатокот од земјата, особено откако Тајм гордо се пофали со тоа како ја извлекоа првата фаза на нивниот самоопишан „заговор“ за соборување на Трамп со помош на „тајните“ напори на „добро поврзаната кабала на моќни луѓе“. И покрај тоа што јасно ставија до знаење дека ќе ја милитаризираат својата контрола над институциите за политички да ги потиснуваат другите преку клеветнички напади, оцрнување и можеби уште полошо врз основа на неспорни наративни двојни аршини, тие сепак сакаат да го завршат своето целосно преземање на власта минувајќи површно по „демократските“ процеси. Затоа, во голема мера ќе се унапреди нивната голема стратешка цел доколку нестабилен, изложен на ризик, и неконтролирано вознемирен приврзаник на Трамп ќе биде предизвикан од ова откритие за фактички заговор да дури и не дај Боже, изврши домашен терористички напад. Всушност, тоа дури и не мора да се случи во реалноста, бидејќи контекстот е веќе поставен да се случи и измислен терористички напад доколку е потребно.

Владеење на конфузија

Една од имплицитните дополнителни цели на признавање на „заговорот“ против Трамп од страна на „добро поврзаната кабала на моќни луѓе“ е да се направи невозможно некому навистина да знае во што да верува веќе. Поради оваа причина, какви било извештаи за домашни терористички напади или планови од приврзаници на Трамп како одговор на изненадувачкото обелоденување на Тајм, не можат да бидат земени во предвид, бидејќи секогаш ќе постои долготрајно, но како и да е, веродостојно сомневање дека ваквите наводи се исто така дел од поголемите „заговори “како што неодамна и беше потврдено. Како такво, не би било изненадувачки ако многу луѓе се сомневаат дека таков напад е лажно знаме напад или дека оние што се вмешани во планирање на нешто од овој вид, биле спречени и заробени од тајната полиција (ФБИ).

„ Американската солидарност“ е единственото реално решение

Внатрешното политичко влијание сепак би било исто, без оглед дали терористички напади навистина се случиле, измислиле или не, бидејќи тие инциденти сигурно ќе бидат искористени за да се унапреди големата стратешка цел на демократите за наметнување на де факто еднопартиска држава врз остатокот од земјата. Додуша, се чини дека не може да се стори ништо со што неистомислениците можат да го стопираат ова, освен можеби веднаш организирање на движење „Американска солидарност“, моделирано од неговиот историски полски колега, дури и ако на тоа може да му требаат години за да има некаков видлив ефект, ако воопшто, имајќи ги предвид драстично различните домашни политички услови во кои мирно би дејствувал. Бидејќи не само што секој друг обид, како на пример организирање насилен отпор би бил незаконски и спорен, туку едноставно би им ги олеснил на демократите плановите со обезбедување вистински докази за она што тие би го опишале како домашен терористички заговор за оправдување на забрзаната имплементација на следната фаза на нивниот „фактички заговор“. Од овие причини, „Американската солидарност“ е единственото реално (иако е можно долгорочно) решение за оваа тешка состојба.

Заклучни мисли

Демократите донесоа намерна одлука да го имаат еден од нивните најистакнати гласноговорници, весникот Тајмс, толку гордо да се пофалат со самоопишаниот „заговор“ што „добро поврзаната кабала на моќни луѓе“ го изврши против Трамп. Ова беше сторено за да се понижат и деморализираат нивните политички противници, како и веројатно да се предизвикаат најнестабилните и најризичните како што се најрадикалните членови на QAnon во прекумерна реакција, извршувајќи акти на насилство, кои потоа може да се искористат како оправдување за следната фаза на нивниот „заговор“. Пораките што се испраќаат се повеќе: Демократите успешно ја зазедоа контролата над сите институции и сега ги милитаризираат за да ги потиснат своите противници врз основа на двојни аршини; ова откритие беше широко познато одамна од сите страни, но јавно признаено од виновниците во овој момент поради неговиот стратешки тајминг; и никој повеќе не може да ги прифати изјавите на демократите и нивните полномошници (вклучувајќи ги и институциите) како веродостојни. Бидејќи, за волја на вистината, додека една хибридна војна против Америка штотуку заврши, друга само што започна.