Додека топовите ги натопуваа демонстрантите пред обележаната порта Бранденбург, полицијата со опрема за немири се движеше низ толпата и апсеше некои од учесниците а полициските хеликоптери летаа над главите на народот. Некои демонстранти фрлија огномет и ракети како одговор,

Протестите се случија во моментот кога германските пратеници расправаа за нацрт-законот со кој се обезбедува поддршка за владата да издава правила за социјално дистанцирање, да се бараат маски во јавни и затворени продавници и други места.

Мерките се очекува да поминат и во долниот, а потоа и во горниот дом на парламентот и брзо да бидат потпишани од германскиот претседател.

Министерот за здравство, Јенс Спан, ги бранеше мерките, велејќи им на пратениците дека властите „секој ден се борат во обид да постигнат баланс“ помеѓу ограничувањата и зачувувањето на демократските слободи.

Но, тој инсистираше на тоа дека Германија го пронашла вистинскиот пат, истакнувајќи дека “поминала многу подобро” од многу нејзини европски соседи, им рече тој на пратениците од популистичката партија „Алтернатива за Германија“ кои ги критикуваа мерките за заклучување.

Спан исто така ги пофали напорите на германската фармацевтска компанија „БиоНТех“, која заедно со „Фајзер“ ја водат трката за развој на вакцина за КОВИД-19 и негираше дека ќе има задолжителна вакцинација.

Германските власти во вторникот соопштија дека забранија серија протести директно пред зградата на парламентот, поради безбедносни проблеми, а оградата беше поставена околу широк простор, вклучувајќи ги Бундестагот и парламентарните канцеларии во близина, федералната канцеларија и претседателската резиденција и канцелариите.

Надвор од металните кордони, демонстрантите сепак се собраа рано во средата покрај Бранденбуршката порта и по улиците и мостовите. Демонстрантите доаѓаат од сите сфери на животот, почнувајќи од крајната левица до крајната десница, додека исто така беа вклучени и студенти и други.

„Ние сакаме да си ги вратиме животите“, гласеше еден знак што го носеа демонстрантите. Друг рече: „Ставете ги банките под надзор, а не граѓаните“. Еден демонстрант држеше знаме со слика на американскиот претседател во заминување Доналд Трамп и слика со која се повикува движењето „QAnon“, додека другиот имаа плакат на кој беше прикажан германскиот владин вируолог Кристијан Достен во затворска облека со натпис „виновен“.

Демонстрантите обвинуваат дека мерките се слични на „Актот за овозможување“ од 1933 година, со кој им се дозволи на нацистите да донесуваат закони без одобрување од парламентот.

Демонстрациите на почетокот на овој месец во источниот град Лајпциг завршија во хаос кога илјадници демонстранти и пркосеа на полициските наредби да носат маски и подоцна да се распрснат. Некои учесници нападнаа полицајци и новинари.

Локалните власти беа критикувани дека постапувале премногу бавно и недоволно насилно за да ја разбијат толпата во Лајпциг, дозволувајќи им на ситуацијата да излезе од контрола.

Берлинската полиција соопшти дека веќе во средата дадоа повеќе казни за кршење на прописите за носење маски, но дека нивните апели луѓето да носат заштитна опрема и да се држат на растојание едни од други во голема мера се игнорираат. Полицијата соопшти дека сега е дадена наредба за притвор на лица кои не ги почитуваат прописите.

„Ако казните не помогнат, единствениот курс што останува е да го растера собирот“, објави полицијата на Твитер.