Кина е заинтересирана за Вардарска Долина и инфраструктурно поврзување од Егејско море до реката Дунав со брза железница и по воден пат и воедно да изгради голем логистички центар во Македонија кој ќе го опслужува цел Балкан. Низ Вардарската Долина во новата Евроазија ќе поминува и Рускиот гас, од кој Македонија требаше веќе да има 400 милиони евра годишно ќар само во транзитни наплаќања, да не зборуваме за економскиот бум потпомогнат од ефтиниот енергенс. Но постојат некои западни сили, кои во името на “демократијата“ не им е во интерес и направија се во Македонија за да ја забават оваа визија на Кина на штета на Македонија при што ги разоткрија како празни сите свои принципи за “отворени граници, слободна трговија,” економски просперитет на земјите каде што тие инвестираат, пардон, ограбуваат.

Кина вложува во Пакистан 65 милијарди долари во железнички и патни коридори, гасоводи и нафтоводи, хидроцентрали и термоцентрали, економски зони и ново пристаниште. Официјално овој мега проект е започнат 2015 година и треба да за врши до 2025 година.

Кој е интересот на Кина за ваквиот мегаломански проект?

Овој проект е дел од визијата на Кина “еден појас еден пат“ или возобновување на патот на свилата за поврзување на светот и слободен проток на идеи, знаење, луѓе, капитал и трговија. Слична визија имал и Александар Македонски кои не ги асимилирал земјите кои ги освојувал туку ги интегрирал со истите цели и визии кои ги има денес Кина.

Со овој проект, Кина скратува 12 000 километри воден транспорт од нивните источни пристаништа (Shanghai, Shenzhen, Ningbo-Zhoushan, Hong Kong, Guangzhou, Qingdao) чии бродови поминуваат низ проблематичното јужно кинеско море каде САД со помош на Филипини и Тајван прават проблеми на поморска трговска флота на Кина. Поради тоа, Кина беше приморана да изгради 3 вештачки острови во јужно кинеско море и постави воени бази.

Исто така, бродскиот транспорт кои поминува низ островските земји Индонезија и Малезија,  претставуваат тесно грло за поморскиот сообраќај и е ноќна мора за поминување, со овој коридор и пристаништето Гвадар во Пакистан овој проблем се надминува.

Овој коридор по копнен пат понатаму ќе поминува низ Иран и Турција до богатиот европски пазар а преку пристаништето Гвадар кои го градат кинезите, ќе го користат за увоз и извоз на стоки од Африка, блиски и среден исток и Европа.

Преку изградбата на нафтоводите и гасоводите, Кина ќе се снабдува со евтини енергенси од арапскиот полуостров а економските зони кои ги градат во Пакистан, Кина ќе префрла дел од своите фабрики со производи кои се трудоинтензивни за да ги замени во Кина со фабрики со високо технолошки производи.

Меѓувремено, Кина го купи најголемото пристаниште во Грција и гради брза железница од Атина до Будимпешта преку Македонија.

Не случајно Кина иницира процес 17+1 соработка меѓу земјите од централна и југоисточна Европа со Кина.

Една мала споредба, Европската унија пред 5 години се согласи за финансирање 1 милијарда евра во патни коридори во западен Балкан а реалната потреба за овој регион е 17 милијарди. Како што видовме погоре, Кина инвестира 65 милијарди долари во Пакистан исто така во патни коридори, очигледна е разликата меѓу ЕУ и Кина во инвестиционата моќ.

Кина е заинтересирана за Вардарска Долина и инфраструктурно поврзување од Егејско море до реката Дунав со брза железница и по воден пат и воедно да изгради голем логистички центар во Македонија кој ќе го опслужува цел Балкан, но постојат накои западни сили, кои во името на “демократијата“ не им е во интерес и направија се во Македонија за да ја забават оваа визија на Кина.

А дали Македонија ќе се приклучи на оваа реална визија или ќе заглавува во живата кал наречена Европска Унија зависи од Македонскиот народ и неговите идни и нови некорумпирани Македонски политичари кои ќе ги искористат сега потценетите геостратешките предности на Македонија. Како што рекол Бизмарк, кој ја владее Вардарска Долина, го владее Балканот. А ја владееме само ние Македонците, и никој друг!

Ви се Допадна Написот? Крши ја Цензурата и Осенчувањето на Социјалните Мрежи, Добивај Директно Коложег.Инфо!