Егор Иванович Классен (1795-1862), учител, автор на научни и едукативни книги и наставни средства. Руски благородник, за кого иако најчесто се наоѓаат податоци дека е Германец по потекло, тој според други извори никогаш не бил Германец, туку е Григоренко и неговите корени се во Мисаиловка, во регионот на Богуслав, сè од античко време, а како бил запишан Классен се опишува во книгата на А. Иванченко „Патиштата на Големиот Русин“.

Студирал во архитектонското училиште за Руските царски експедиции, и тоа во зградата на денешен Кремљ (од 1811 година), истовремено служејќи во него како под-службеник, а од 1816 година како службеник. Во 1825 година, со чин колегијален секретар, тој влегол во Практичната трговска академија во Москва како наставник по руско граѓанско право, каде наскоро бил одобрен за секретар на Советот на Академијата, а во 1831 година – и како повереник на Академијата.

Во 1826 година тој беше член на Комисијата за крунисување на Цар Николај I. Некаде во исто време, почнувајќи од 1830 година, Классен почна да посветува многу време и на пишувањето. Напишал голем број научни и едукативни дела поврзани со различни области на неговите професионални и наставни активности. Одговарајќи на тоашнот широк јавен интерес за спомениците на руската историја во средината на 19тиот век, Классен објави есеј-книга “Нови материјали за античката историја на Словените воопшто и на Словено-Русите пред времето на Рурик особено, со лесна скица за историјата на Русите пред Рождеството Христово“ (с. 1–3) , М., 1854-1861), придружувајќи го секое издание со „Опис на споменици што ја објаснуваат словенско-руската историја“, составен од Ф. Волански, но во сопствено тумачење на Классен и со свои сопствени белешки (забележето го Македонското сонце и коловртот на насловната страница на првото издание на книгата во 1845!)

Во историските тврдења (вклучително и постоењето на пишано писмо меѓу античките Словени пред усвојувањето на христијанството), Классен се потпирал на спомениците на материјалната и духовната култура на луѓето – надгробни камења и други натписи, имиња на племиња и народи, имиња на луѓе, легенди и народни песни. Повеќестраната и активна работа на Класен, особено во областа на образованието и добротворството, беше ценета од Руската јавност и од владата, која му додели голем број медали, ордени и други награди. (Руски писатели. 1800-1917. Биографски речник. – М., 1992. – Т. 2. – С. 548).

Највисокиот патриотизам, интелигенција, беспрекорна употреба на фактите, безграничната љубов кон Русија се провлекува во книгата „Нови материјали за античката историја на Словените воопшто и историјата на Словено-Русите” која во модерното издание (десно) го задржува целиот текст на оригиналот, со илустрации и декорација направена од уметникот Андреј Гуселников, кој со големо внимание и трепет работеше на нив.

Денес, повеќе од кога било, неопходна е свест за своите корени и судбина. Да го заклучиме краткото претставување на Егор Классен со зборовите на самиот автор од уникатната книга која е голем придонес во ризницата на историјата на Словените-Руси:

„Заклучоците извлечени од овие материјали ни даваат не само сигурен темел, туку и ни оцртуваат јасна слика за најстарата словенска руска историја. … се обврзуваме да им ги претставиме на просветлените читатели вистинските фази на античка словенска Русија, кои можат да послужат како подлога за развој на нишката на античката Руска историја и за целосен пораз на лажните учења на скандинавската школа!

Со понатамошна анализа на натписите на словенските споменици, кои, низ темнината се расфрлани над лицето на земјата, секако постои можност да се поврзе цела античка Русија со новата денешна Русија во нераскинлив ланец и во постојната гигантска големина. Се разбира, ваквите дела се одвиваат полека напред; нека одиме исто така, полека, па ненадејно, но со сигурна нога и чекор и посакуваме: нека бидат исполнети во чест и слава на Русија!