Во реакцијата на РОДИНА МАКЕДОНИЈА ЗА ДОПОЛНИТЕЛНИТЕ УСЛОВУВАЊА ОД ЕУ пишува дека на Македонците не и се потребни никакви условувања од организација која набргу ќе престане и да постои, и во која Македонскиот Народ после историските Референдумски ТРИ НЕ, Не за Северна, Не за ЕУ и Не за НАТО, нема никогаш да влезе, и историска волја која Родина Македонија ќе ја реализира во дело со својата суверенистичка програма и со Македонскиот Народ заедно со сите слободолјубиви народи на светот!

По повод новите условување од страна на ЕУ, Родина Македонија ја охрабрува ЕУ за поставување на дополнителни на дополнителните услови за почеток на почетокот на преговорите за влез во ЕУ на антиуставната „Северна“, која е создадена со хибриден западен државен удар, газејќи ја волјата на народот од 30 септември 2018 година, 8 септември 1991, 2 август 1944.

Родина Македонија сака да ја извести ЕУ, а и НАТО, дека Договорот од Преспа и Договорот за добрососедство со Бугарија ќе бидат првите договори кои ќе ги поништи новата суверенистичка Влада на Република Македонија со силата на домашното и меѓународното право и со почитување на волјата на македонскиот народ.