ШТО ДА СЕ ПОНИШТИ? Многумина сметаат дека клучните одлуки и документи, донесени од оваа власт (како што се, на пример, Договорите со Бугарија и Грција, прифаќањето на Тиранската платформа…), треба да се поништат. Меѓутоа, законски гледано, може да се поништи само тоа што има законска и уставна основа и кое, според тоа, има законска и уставна природа.
Меѓутоа, веќе и самото конституирање на Собранието (кое ги носи законите и одлуките), како и изборот на неговиот претседател, беше наспроти Деловникот и правните акти, како што беше и н а с и л н о т о продолжување на прекинатата седница од 27.04.2017 год. Второто давање на мандат за формирање на влада, од тогашниот претседател на Државата, е неуставно, бидејќи во Уставот не е предвидено второ давање на мандат.
Некои битни одлуки, донесени од Собранието, беа објавени во „Службен Весник“ без неопходниот потпис од Претседателот на Државата. Истото беше и со преименување на Државата. Некои одлуки и закони беа донесени со непотребни процедури, како што е употребата на европски знаменца.
Во ваква ситуација, во која многу нешта немаат уставна и законска основа, што има да се поништува? Единствено што треба да се направи е да се прогласат за тоа што се – за незаконски и, според тоа, за невалидни.
Само на тој начин Македонија може да ја врати законитоста и уставноста, и само така може да биде респектибилна како кај соседите, така и во светот. Сѐ друго претставува замајување, односно празен говор од страна на власта и опозицијата.
Проф. Љубомир Цуцуловски
Крши ја Цензурата и Осенчувањето на Социјалните Мрежи, Добивај Директно Коложег.Инфо!
Објавување на одлуки во службен весник, само по себе е показател за
ОКУПАЦИЈА! (професорот оди со блага форма “недоволна сувереност“ не не е тоа туку е окупација)
Па така да се говори за законитост или поништување на некакви акти во услови на окупација е забегана работа, затоа што треба да се говори за СЛОБОДА и ослободување од окупаторите и нивните квислиншки инсталации.
Само со ослободување ќе се создадат услови за отфрлање и прогласување за НИШТОВНИ одлуките донесени од петтата колона и окупаторот … овие кои за себе говорат дека се власт и опозиција насилно се инсталирани и само така може да се сменат – тоа е елементарното познавање работите, а не како што некои мислат со избори и сл.