ЕУ повеќе не нуди кредибилни изгледи за проширување на Балканот. Ова го намалува влијанието на Западот и го зајакнува влијанието на други земји, пишува Neue Zürcher Zeitung на почетокот на својата анализа за слабеењето на влијанието на ЕУ на Балканот, што од друга страна, им помага на играчите како Русија, Кина и Турција да извршат поголемо влијание во регионот.

Neue Zürcher Zeitung продолжува: „Само една недела откако ЕУ повторно ги извиси Македонија и Албанија, српскиот премиер Ана Брнабиќ отпатува за Москва за да потпише договор за слободна трговија со руската Евроазиска економска унија.“

Авторот на овој напис, Волкер Пабст, изјавува дека „нема сомнение дека ЕУ и Западот на Балканот изгубиле значителна самодоверба и простор за маневар“, со што им овозможува на Русија, Кина и Турција да го прошират своето присуство во регионот, пренесува и Дојче Веле.

Швајцарскиот весник потсетува дека Русија е особено популарна во словенско-православните региони и таму се претставува како „чувар на конзервативни вредности и контра-модел на декадентниот Запад“. Турција има значителна мека моќ во целиот регион. „Туркиш ерлајнс“ го покрива регионот подобро од која било друга авиокомпанија, додека турските ТВ сапуници се исклучително популарни, и покрај сите историски непријателства. Кина е, пак, главно присутна како инвеститор.

„Зголеменото влијание на овие држави на Балканот се гледа преку како Москва се бори во регионот за да го намали западното влијание, особено оној на НАТО. Русија е многу добро подготвена да ги искористи историските линиски грешки и латентните нестабилности во регионот. Анкара сè повеќе бара поддршка при прогонот на противниците на владата а тука се и големите проекти финансирани од Кина“.

Швајцарскиот дневен весник понатаму укажува на фактот дека Москва, Анкара и Пекинг иако не влечат во иста насока на Балканот, бидејќи тие имаат различни интереси таму, сепак имаат допирни точки.

„Но, дури и без сериозна конкуренција од Исток, Западот губи на Балканот – и со тоа, оние делови од локалното население кои се про-западни. Во иднина, ќе биде уште потешко да се промовираат вредности како што се владеење на правото, демократијата и либералната пазарна економија”, пишува Neue Zürcher Zeitung, но бидејќи весникот не објаснува зошто, да му помогнеме.

Можеби сето тоа е најповеќе поради тоа што самиот запад ги оцрни oвие идеали и ги разоткри како празни фрази за ширење на глобалофашизмот во корист на една рака корумпирани елити а против сите нас, и како народи и како поединци!