Елиас Марат преку TheMindUnleashed.com јавува за Мексиканските земјоделци бесни што политичарот не ги исполни ветувањата за подобрување на патиштата и доведување на вода за пиење и електрична енергија во сиромашната заедница.

Група лути земјоделци во јужниот дел на Мексико го заробиле градоначалникот на нивното село пред да почнат да го влечат низ улиците врзан за задниот дел на камионот, откако селаните тврдат дека тој не ги исполнил главните ветувања од предизборната кампања.

На крајот, полицијата го ослободи Хорхе Луис Ескандан Хернандез, градоначалник на општината Лас Маргаритас во државата Чиапас, кој не претрпе големи телесни повреди по насилното влечење.

Ел Хералдо де Мексико јави дека градоначалникот бил киднапиран во вторникот од разгневена група демонстранти со шипки и камења, кои го врзале за задниот дел на пикап, пред да го влечат низ улиците, додека толпа трчала по него.

Снимките од инцидентот станаа вирални и го запалија интернетот.

По инцидентот, избувна насилна конфронтација меѓу групата и локалната полиција, при што се повредени околу 10 лица. Кабинетот на државниот правобранител соопшти дека единаесет лица се уапсени, според  Миленио.

Земјоделците се бесни што политичарот ветил дека ќе ја подобри социјалната инфраструктура во селското село но откако бил избран, и покрај на континуираните барања на земјоделците да ги испорача своите ветувања и да ги поправи локалните патишта и да донесе вода за пиење и електрична енергија во сиромашното село – тој не сторил ништо од ветеното туку работел само за свој џеб и во полза на странските рударски компании во областа.

Во претходниот инцидент пред четири месеци, друга група мажи се појави во неговата канцеларија и ја ограбија откако не го најдоа таму.

#ÚLTIMAHORA
Así estuvo el enfrentamiento de trabajadores del ayuntamiento contra habitantes de Santa Rita Invernadero para rescatar e impedir el secuestro del alcalde Jorge Luis Escandón, que pretendían llevárselo secuestrado pic.twitter.com/KRbaOQIjPk

— Portavoz Chiapas (@PortavozChiapas) October 8, 2019

Чиапас е една од најбогатите држави со минерални суровини во Мексико кои се исто така значајна основа за вработување надомашните рудари, но уште повеќе место за профитери од странски компании од Канада, САД, Јапонија и Европа. Покрај тоа што е голем извор на гас, нафта, дрво и вода, Чиапас е исто така профитабилен извор на злато, сребро, килибар, ураниум, алуминиум, железо и еден од најпосакуваните ресурси на светот – титаниум.

Населението се жали дека властите се корумпирани и им дозволуваат на странските компании да го земаат целиот профит и дека рудниците на отворено придонесуваат за сеча на дрва, копање тунели и големи базени со токсични отпадни води кои ги загадуваат нивните некогаш чисти земји и извори.

Државата е жариште на социјални немири и организирање од страна на локални милитантни групи и левичарски социјални движења како што се „Армијата на националното ослободување“ на Запатистите (ЕЗЛН) и „Националниот фронт за борба за социјализам“ (ФНЛС), кои имаат честопати судири со државните безбедносни сили и се соочуваат со репресија во последните години.

Во случајот со Лас Маргаритас, се чини дека обидот за апсење на градоначалникот дошол по подолг период на напнатост меѓу властите и лутите месни жители, кои им се заканувале на членовите на градскиот совет да дадат свој удел во подобрување на условите за сиромашната заедница.

По инцидентот, училиштата и бизнисите ги затворија своите врати. Во средата во градот пристигнаа и припадници на новосоздадената Национална гарда за зајакнување на безбедноста.