Лавров ги даде коментарите на својата годишна средба со студенти и професори во Дипломатската академија на Министерството за надворешни работи, објави руската државна новинска агенција ТАСС.
“Западниот нео-либерален модел на развој, кој посебно предвидува делумно губење на националниот суверенитет – тоа е она што нашите западни колеги имаат за цел кога измислуваат нешто што тие го нарекуваат глобализација – ја губи својата атрактивност и повеќе не се смета за совршен модел за сите. Покрај тоа, многу луѓе во самите западни земји се веќе многу скептични во врска со овој модел”, рече Лавров.
Според него, глобалниот развој се води “преку процеси со цел зголемување на мултиполарноста и она што го нарекуваме полицентричен светски поредок”.
“Јасно е дека мултиполарноста и појавата на нови центри на моќ во секој поглед бараат напори за одржување на глобалната стабилност и баланс на интереси и компромиси, па затоа дипломатијата треба да има водечка улога тука”, рече Лавров.
“Особено затоа што има многу прашања кои бараат генерално прифатливи решенија”.
Тука спаѓаат регионалните конфликти, меѓународниот тероризам, безбедноста на храната и заштитата на животната средина. Затоа ние веруваме дека само дипломатијата може да помогне да се договараат и да се постигнат одржливи одлуки кои ќе бидат прифатени од сите.
“САД и нејзините сојузници се обидуваат да ги наметнат своите пристапи кон другите”, истакна Лавров.
“Тие се водени од јасна желба да се зачува нивната вековна доминација во глобалните прашања, иако од економска и финансиска гледна точка, САД сами или со своите сојузници – повеќе не можат да ги решат сите глобални економски и политички прашања“, рече тој.
“За да ја зачуваат својата доминација и да го повратат својот донеодамна неоспорен авторитет, тие користат уцена и притисок. Тие не се двоумат да се мешаат во работите на суверените држави”.