Брунеи ќе почне да ја применува казната каменување на хомосексуалците и прељубниците до смрт, почнувајќи од следната недела, Април 2019, откако малата островска држава го усвои законот за шеријат во 2014 година.

И додека новите закони беа објавени пред пет години тие постепено се вградуваа во судската пракса. Сега, султанот на земјата, Хасанал Болкија, кој исто така е и премиер,  објави дека смртната казна за хомосексуален секс и прељуба ќе започне да се применува од 3 април, јавува Си-Ен-Ен . Околу 450.000 жители на Брунеј беа известени за датумот откако државниот адвокат го објави известувањето од 29 декември на неговата веб-страница.

Групите за човекови права се ужаснати. “Брунеи мора веднаш да ги прекине своите планови за спроведување на овие злобни казни и да го ревидира Кривичниот законик во согласност со своите обврски за човекови права. Меѓународната заедница мора итно да го осуди потегот на Брунеи за користње вакви сурови казни во пракса”, рече специјалистката на “Брунеј”, Амнести интернешнал, Рејчел Чхоа -Кога.

Брунеи стана првата земја во регионот која усвои шеријатски закон, исламски  правен систем познат по своите строги казни. Еве карта на претежно исламски републики каде хомосексуалните акти се незаконски и / или казниви со смрт.

Според  Вашингтон пост: Места каде што хомосексуалните дејства можат да се казнат со смрт. Има 65 земји каде хомосексуалните акти се нелегални

Авганистан

Кривичниот законик на Авганистан не се однесува на хомосексуални акти, но членот 130 од Уставот дозволува да се примени правото на шеријатскиот закон, со кој се забранува истополова сексуална активност. Шеријатскиот закон во Авганистан ги криминализира сексуалните дела од ист пол со максимална смртна казна.

Иран

Во согласност со шеријатскиот закон, хомосексуалниот однос меѓу мажите може да биде казнет со смрт, а мажите можат да бидат судени и за помали дела како бакнување. Жените може да бидат камшикувани.

Нигерија

Федералното право го класификува хомосексуалното однесување како кривично дело казниво со затвор, но неколку држави го усвоија шеријатскиот закон и наметнаа примена смртна казна на хомосексуалните мажи. Законот потпишан на почетокот од јануари годинава забранува собири на геј луѓе на јавни места и во клубовите.

Катар

Шеријатскиот закон во Катар се однесува само на муслиманите, предвидува смртна казна поради вонбрачен секс, без оглед на сексуалната ориентација.

Саудиска Арабија

Според толкувањето на шеријатскиот закон во земјата, мажот кој се занимава со содомија или кој било немуслиман кој извршува содомија со муслиман може да биде каменуван до смрт. Сите сексуални односи надвор од бракот се нелегални.

Сомалија

Кривичниот закон предвидува затвор, но во некои јужни региони, исламските судови наложија закон за шеријат и смртна казна.

Судан

Трикратните престапници според законот за содомија можат да бидат убиени; првото и второто судење резултира со камшикување и затворање. Јужните делови на земјата усвоија поблаги закони.

Јемен

Според казнениот закон од 1994 година, мажените мажи можат да бидат осудени на смрт со каменување за хомосексуални односи. Неженетите мажи се соочуваат со камшикување или една година затвор. Жените се соочуваат со седум години затвор.

Мавританија

Муслиманските мажи кои се вклучени во хомосексуалниот секс може да бидат каменувани до смрт, според законот од 1984 година, иако досега никој не бил погубен. Жените се соочуваат со затвор.

Обединети Арапски Емирати

Адвокатите во земјата и другите експерти не се согласуваат дали федералниот закон пропишува смртна казна за консензуален хомосексуален секс или само за силување. Во неодамнешниот извештај на “Амнести интернешнал”, организацијата соопшти дека не е известна за случаи на за смртни казни за хомосексуалните дејства. Сите сексуални дела надвор од бракот се забранети.

Пакистан

Постојат закони за смртна казна, но, најверојатно, не се спроведат во пракса, според извештајот на ИГЛА 2016.

Чад

Законот од 2014 година ги прави односите со ист пол како кривично дело казниво со 15 до 20 години затвор.

Индија

Забраната за односи со ист пол била укината во 2009 година, но беше вратена во 2013 година. Врховниот суд рече дека владата, а не судовите, ќе треба да го сменат законот.

И сега можеме да го додадеме Брунеи.