Поради најавите за промена на нашето уставно име младите на Македонија најавуваат огромен сенароден и непартиски протест кој ќе се оддржи на 23ти јуни во 19:00 ч во Скопје пред Собранието на Република Македонија. Ние имаме човеково право на име и идентитет и никој нема право насилно да не присили и принуди да го сменат нашето име и идентитет. Големиот Сенароден Протест на 23ти јуни е поддржан од 47 здруженија, кои помагаат финансиски или на други начини. Протестот е организиран од студентите и младите кои порачуваат дека нема да дозволат некој насилно да го промени нашето име и да ја уништи нашата иднина. Од страна на Македонските здруженија во Австралија за протестот ќе бидат обезбедени и 200 автобуси за бесплатен транспорт од внатрешноста.

Студентите кои се приклучуваат на протестот нагласуваат дека протестот е исклучиво непартиски и позади него не стои ниту една политичка партија: “Ние сме студенти од сите политички спектруми обединети за одбрана на името Македонија. Никој нема право да не понижува и насилно да го продава нашето достоинство и нашата душа. Ние сакаме да живееме во држава Македонија, а не во држава со сменето име. Ние сакаме подобра иднина во оваа држава, а не да не се иселиме и Македонија да стане држава со иселена младина од типот на Романија и Бугарија. Ние сакаме да останеме да живееме во оваа држава, а не насилна промена на нашето име и идентитет. Државата останува на младите и токму затоа младите се тие кои треба да одлучат за иднината на Македонија“.

Во меѓувреме викендов се одржа регионален протест во Битола кој означи застанување рамо до рамо со секој поединец, здружение или група на граѓани кои се за спас на името Македонија! Повик за зачувување на името Македонија порачувааод регионален собир на родољубиви македонски синови и ќерки!

Исто така, на 1.500 годишнината од Охридската Архиепископија се одржа и студентски собир во Охрид на 27 мај.

Како подготовка за големиот протест на 23ти Jуни во Скопје ве оставаме со громогласниот повик за одбрана на нашето име Македонија од говорот на младиот Македонски Херој Димитар Џундев од студентскиот протест во Охрид на 27ми Мај:

“Ова е битка како битката на последниот Мохиканец – ова е битка за опстанокот! Или ќе опстанеме, или ќе изумреме. Токму затоа по секоја цена мора да го одбраниме нашето име и крвта која тече во нашите вени! Бидејќи овдека тече крвта Александар и Филип и никој не може да ми каже нешто спротивно од тоа. Ние знаеме кои сме, ние сме биле, сме и ќе останеме Македонци и никој тоа нема на овој свет да го смени!”