Во ноември, “Кредит Свис” истакна алармантни факти – но не сосема неочекувано – за огромна концентрација на глобалното богатство во рацете на мала група луѓе, што можеби е и движечката сила зад патриотските бранови што се појавиваат во САД во 2016 година и продолжија да се шират низ цела Европа и низ светот. Според годишната “глобална пирамида на богатството” на Швајцарската банка, за првпат најбогатите 1% од светското население веќе акумулирале околу 50% од вкупното богатство на светот во 2017.

Истражувачите на “Кредит Свис” опишуваат како глобалната нееднаквост во богатството драматично се прошири во последнава деценија од финансиската криза во 2008 наваму, најмногу поради распространетите мерки на Банката на федерални резерви во САД и глобалната мрежа на централни банки, пумпајќи лесни пари во глобалниот финансиски систем кои завршуваат во џебовите на богатите.

Истражувачите велат дека “нашите пресметки покажуваат дека првите 1% од носителите на глобалните богатства го започнале милениумот (2000) со 45,5% од целокупното богатство на домаќинствата. Ова учество било приближно истото до 2006 година, а потоа две години подоцна паднало на 42,5%. После 2008 година уделот на првите еден процент оттогаш се наоѓа на нагорна линија и според нашите најнови проценки, првиот 1% веќе поседува 50,1 проценти од целокупното богатство на домаќинствата во светот во 2017.”

Но, додека извештајот на Кредит Суис беше недвосмислено вознемирувачки, неодамнешниот извештај објавен од британскиот парламент е уште понепријатен.

Според Гардијан, проекциите што ги прави библиотеката на Долниот дом на Британскиот Парламент укажуваат на тоа дека првите 1% од најбогатите луѓе во светот ќе поседуваат околу 66% од богатството на планетата до 2030 година. Прочитај повеќе овде: Најбогатите 1% од светот ќе поседуваат 66,6% од светот – Гардијан. (Гугл Преведувач на Македонски)

Алармантна проекција од библиотеката на Долниот дом укажува на тоа дека од 2008 година, богатството на најбогатите 1% расте во просек од 6% годишно – многу побрзо од растот од 3% во богатството на преостанатите 99% од светското население. Ако тоа продолжи, највисокиот процент од 1% би имал богатство со износ од 305 трилиони долари  – од $ денешните “бедни” 140 трилиони кои ги поседуваат.

Аналитичарите посочуваат дека богатството се концентрира во рацете на неколкумина на врвот поради  нееднаквост во приходите, повисоките стапки на заштеда меѓу богатите и акумулацијата на средствата. Богатите, исто така, инвестираа голема количина на капитал во бизниси, акции и други финансиски средства, кои им дале непропорционални добивки.

Јавноста е исклучително чувствителна на растечкиот диспаритет во богатството, а анкетите покажуваат дека повеќето луѓе во Велика Британија сè повеќе стануваат цинични во врска со изгледите за промени. Веќе поголем дел од Британците веруваат дека супербогатите имаат повеќе влијание и моќ отколку националните влади или отколку народите и граѓаните.

Новото гласање од Опиниум сугерира дека гласачите гледаат голем проблем со влијанието на многу богатите. Запрашан да избере група која ќе има најголема моќ во 2030 година, повеќето (34%) изјавија дека супер богатите, додека 28% се одлучиле за националните влади. Во знак на опаѓање на нивото на доверба, анкетираните велат дека се плашеле дека последиците од нееднаквоста на богатството би биле “зголемување на нивото на корупција” (41%) или дека “супер богатите уживаат неправедно влијание врз владината политика” (43%).